10 ára útskriftarnemar gefa í Beneventumsjóð

Fyrrum nemendur, sem útskrifuðust jól 2008 / vor 2009, héldu nýlega endurfundi í tilefni 10 ára útskriftarafmælis síns. Hópurinn sótti skólann heim, fékk kynningu á öllu því sem hefur breyst (og ekki breyst) frá útskrift, og gerði sér glaðan dag.

20190607_121614
Gjöfin formlega afhent

Nemendurnir söfnuðu einnig í peningagjöf að upphæð 75.765 sem gefin var í Beneventumsjóð við tilefni afmælisisins. Á myndinni sjást Gríma Kristjánsdóttir og Kristinn Árni L. Hróbjartsson afhenda Steini Jóhannssyni gjöfina formlega, fyrir hönd nemenda. Ásamt þeim voru í skipulagsnefnd Agnes Eva S. Sigurðardóttir, Brynhildur Bolladóttir og Iðunn Garðarsdóttir.

Allir útskrifaðir nemendur úr MH geta skráð sig endurgjaldslaust í Nemenda- og hollvinasamband MH. Skráning er hér.

Fyrrum nemar færa MH verk eftir Hallgrím Helgason á 40 ára útskriftarafmæli

Í gær, 25. maí 2019, útskrifaði Menntaskólinn við Hamrahlíð 128 nemendur.

Sama dag fögnuðu útskriftarárgangar jól ’78 / vor ’79 sínu 40 ára útskriftarafmæli. Við það tilefni gaf hópurinn skólanum verkið Book Fair (eða Bókamessa) eftir Hallgrím Helgason.

IMG_0070
Runólfur Pálsson (úr skipulagningarnefnd) afhjúpar verkið með hjálp Pálma konrektors, meðan Hallgrímur flytur ávarp. Mynd: Hrafnhildur Linnet

Hallgrímur, sem er einmitt hluti af árgangnum, ávarpaði gesti og útskriftarnema á útskriftardaginn fyrir hönd hópsins.

IMG_0153
Steinn rektor tekur við verkinu af Hallgrími Helgasyni, og Runólfi Pálssyni. Mynd: Hrafnhildur Linnet

Það hefur skapast hefð fyrir því að fulltrúar fyrri útskriftarárgangar ýmist ávarpi gesti og nýstúdenta á útskriftardaginn, gefi gjöf, eða bæði.